Pagadian City – Blangko pa ang kapulisan sa motibo sa ulahing pagpamusil nga nahitabo alas 8:30 kagabii sa Integrated Bus Terminal (IBT) sa Purok Madanihon, Barangay Bulatok, Pagadian City.
Nagpa-alim pa karon sa ospital ang 37-anyos nga biktima nga si NAJAR IMLANI MOHAMMAD a.k.a. nadz/omar, human kining naigo sa nawong.
Sa inisyal nga imbestigasyon nasayran nga samtang nagdula sa cellphone sulod sa tindahan sa IBT ang biktima kalit nga nibutho ang suspek sa likod nga bahin sa biktima ug dihang nakaplastar gipusil kini sa makausa nga higayon.
Daling nisibat ang mga suspek paingon sa Barangay Tiguma ning syudad sakay sa XRM color pula nga dunay kombinasyon sa puti.
Sumala sa mga nakasaksi ang gunman nga supek nagsul-ob og jersey color pula ug itom nga k short pants,samtang ang driver nagsul-ob og green nga jacketug itom nga kalo.
Nakuha sa dapit nahitaboan ang usa ka bala sa calibre 45 nga pistola. Padayon panga gipangita kapulisan ang mga suspek nga nakaikyas.
