Davao City – Gilimas sa duha ka mga wala pa mailang tulisan ang dakong kantidad nga halin sa Chooks to Go sa may Prk 8, Poblacion, Nabunturan Compostela Valley Province.
Nisulod sa maong tindahan ang duha ka suspek ug gitiunan og pusil ang tindero nga si Ariel Lamaya ug nagdeklarang hold-up.
Nakuha sa mga suspek ang halin nga 30,000 pesos ug dali kining nisibat sakay sa ilang motorsiklo nga walay plate number.
Dihang nahanaw na ang mga suspek nangayo na og police assistance ang biktima hinungdan nga miresponde ang mga awtoridad sa maong tindahan.
Lawom nga imbestigasyon ug pagpaniid ang gihimo karon sa kapulisan aron mailhan ug masikop ang mga tulisan.
RadyoMaN Aimee Guinita
Facebook Comments
