Wala ginapangayo sang ” Tindig Pilipinas” ang pagbuya ni Presidente Rodrigo Duterte sa pwesto.
Suno sa “Tindig Pilipinas” luyag lamang nila nga bag-uhon sang Presidente ang sistema sa pagpatuman sang kampanya kontra illegal nga droga, ang foreign policy kag ang daw pagka-diktador ni Duterte.
Gintukod ang nasambit nga grupo kahapon, September 18 agud batu-an ang nagapadayon nga patyanay sa idalom sang kampanya kontra illegal nga droga sang Duterte administration.
Ini ang gina-updan man sang mga senador kag kongresista sang minorya lakip na sanday Senador Risa Hontiveros, Senador Antonio Trillanes IV, kag Senador Francis Pangilinan kaupod ang masobra 50 ka miyembro sang civil society kag iban pa nga organisasyon.
Kaupod man sa “Tindig Pilipinas” ang daan nga miyembro sang gabinete kag kaalyado ni former Pres. Benigno ” Noynoy” Aquino III.
Ginpahayag sang grupo nga indi ini tuhoy sa mga Aquino kundi tuhoy ini sa kaayuhan sang publiko.
