Namatay sa atake sa kasingkasing ang usa ka sakop sa LGBT nga napalgan sa bakilid nga bahin sa Barangay Babag , bukirang dapit sa syudad sa Sugbu .
Mao ni ang nakita sa autopsy nga gihimo ngadto sa patay`ng lawas ni Raymond Mabini 25 anyos nga moloyo ra usab sa maong dapit .
Matud sa hepe sa Mabolo Police Station, Police Major Dindo Alaras aron pagsiguro nga way foul play sa kamatayon ni Mabini , gipaubos kini sa otopsiya sa PNP Crime Laboratory.
Ang dakung samad sa agtang ni Mabini gitohoan nga naangkon niini human naparok sa bato ang iyang ulo .
Facebook Comments
