Labi nga pabaskugon sang Iloilo Provincial Health Office ukon IPHO ang ila pagpamakuna kontra tipdas.
Ini matapos gindeklarar ang measles outbreak sa Western Visayas bangud sa pagdamo sangh mga nagamasakit sang tipdas.
Pagahimuon ang pagpamakuna sang mga health workers sa kabarangayan sa probinsya sang Iloilo umpisa sa masunod nga semana.
Base sa data sang IPHO, may 26 ka suspected cases sa tipdas sa bilog nga probinsya sang Iloilo humalin sang Enero 1, tubtub subong Pebrero 14, 2019.
Kalakip sa mga banwa nga may kumpirmado nga kaso sang tipdas amo ang Janiuay, Maasin nga may tag-isa ka kaso kag Cabatuan nga may duha ka kaso.
Angut sini, ginahingyo ni IPHO Head Dr. Grace Trabado sa mga LGU’s nga magbulig sa mga health workers sa pamalay-balay nga pagbakuna sa mga kabataan.
