Padayon nga nagataas ang kaso sang tipdas sa bug-os nga Western Visayas.
Suno sa Department of Health Region 6, naglab-ot na sa 488 ang kaso sa rehiyon 6 humalin sang Enero 1 tubtub Pebrero 15, 2019.
Nagtaas ini sang masobra 100 gikan sa 359 lamang ka kaso nga nalista sang Pebrero 13.
Ang probinsya sang Negros Occidental sa gihapon ang may pinakamadamo nga kaso nga naglab-ot na sa 196; ginasundan sang Antique nga may 122 ka kaso kag siyudad sang Bacolod nga may yara sang 64.
Nagtaas man ang kaso sang tipdas sa siyudad sang Iloilo halin sa walo nagsaka ini sa 15 ka kaso samtang sa probinsya sang Iloilo naglab-ot naman sa 33.
May pinakamanubo naman nga kaso ang probinsya sang Guimaras nga may isa lang ka kaso.
Padayon sa gihapon ang kampanya sang DOH ilabi na ang pagpamakuna sang mga kabataan nga wala pa mabakunahan sang anti-measles vaccine.
