Tiro ya tamen; victima muerto

Otro ya tambien vida el ya perde durante el otro incidente de tiro. Este vez el incidente ya sosede na un tienda na Divisoria del Domingo por la noche. El victima amo si Edsar Santelices, 32, soltero de Lumbangan. Si Santelices nuevo lang ya abaja na PUJ destaba na pueblo y antede bolbe derecho para na Lumbangan, ya pasa este na un tienda na canto del Highway para compra electronic load pero tiene dos persona muntao na motor el ya aparese y el ancas deste ya tira conele. Masquin irido ya, ya puede pa si Santelices man alamadrina y ya corre na adentro del tienda pero el criminal ya hace apas conele y ya continua tira hasta ya muri le. El maga suspechao libre ya escapa despues del incidente. Maga pulis ya recobri cuantos capsula del un calibre na lugar del incidente.

shot.docx