Ta continua pa el imbestigacion del pulis tiene que hace con el matansa con un persona anoche na Los Primos Drive, Daisy Road, Guiwan boundery del Tugbungan.
Tiene ya cuantos informacion ya puede pipina el otridad que posible puede usa para aresta con el criminal.
Acordando serca man alas 7 del noche cuando el maga residentes del mencionao lugar ya puede nota tiene motor ya llega na lugar y tiene un persona el ya abaha y despues derepente ya lang sila ya puede seguiditos tiro.
Nohay tarda ya descobri ya lang con un persona conquien uliji ya conose como si Remy Lachica, Jr., de San Jose Gusu tumbao y ta mobe pa y ya puede pa habla el plate number del motor que ta usa el criminal.
Pero cuando ya llega el maga miembros del paramedic ya precura pa dale fist aid conele pero ya despidi este por el tupada de bala na bariga y na braso.
Maga pulis ya puede tambien recobri cuantos capsula del 9mm pistola na lugar del incidente.
