Davao City – Arestado sa National Bureau of Investigation Tagum District Office XI ang founder sa Titan 29 Marketing kaganihang kadlawon.
Sa interbyu sa RMN Davao kang NBI TAGDO XI Special Investigator Juhari Guro nga nadakpan nila ang suspek nga si Ryan Maunes sa Barobo, Surigao del Sur.
Matud ni Guro nga kasong Large Scale Estafa ug Sindicated Estafa ang ipasang-at nila batok kang Maunes kinsa priso karon sa NBI TAGDO detention facility.
Gibutyag ni Guro nga anaa sa 200 ka mga investors ang nidangop sa mga awtoridad human giingong gidagit sa maong founder ang kwartang ilahang gipang-invest.
Samtang, gibutyag ni Davao del Norte Police Provincial Office Provincial Director Police Col. Ferlu Silvio nga dili muubos sa 70 ka mga investors ang nagpatabang sa mga awtoridad human giingong gidagit ang sa Titan founder ang giingong anaa sa P500M invesment money.
Sumala ni Silvio nga minimum sa P5,000 ug maximum sa P2.5M ang gikatahong na-invest ngadto sa Titan 29 Marketing nga nisaad sa iyahang mga miembro nga doblehon ang ilahang kwarta sulod sa usa ka semana.
RadyoMaN Aimee Guinita
