GIN-ABUSO MAN. Sa interview sang RMN-DYHB sa suspek nga tiya nga nagkuga kag naglumos sa iya kaugalingon nga hinablos sa Barangay Miranda, banwa sang Pontevedra, siya ang biktima man sadto sang sexual abuse.
Ginbulgar sang suspek nga ginpanghimuslan sila nga tatlo ka mag-ululutod sang ila mismo amay sang ang mga ini naga-edad singko, sais kag otso anyos. Priso karon ang ila amay.
Gin-ako man sang suspek nga sang nagatrabaho siya sadto sa Manila kag diri sa Bacolod, siya ang nagagamit sang iligal nga droga.
Facebook Comments
