KALIBO, AKLAN — Kritikal makaron rong sitwasyon it tiyo matapos nga bun-on it ana mismong gumankon kahapon it hapon sa Sitio Bili, Brgy. Pudiot, Tangalan, Aklan.
Ro biktima nakilaea kay Gerry Castillo, 28-anyos nga nakaangkon it tama sa anang tiyan, samtang rong suspek nakilaea man kay Michael Fernandez, 28-anyos tanan residente it nasambit nga lugar.
Suno kay PO3 Detoyato it Tangalan PNP nga nagaguwa sa andang imbestigasyon nga kahapon it hapon rayang biktima ag suspek kaibahan ro manghod it biktima hay naga inum-inum ag dayon may nagpatunga nga mainitang diskusyon sa biktima ag suspek.
Matapos raya umuli rong suspek sa andang baeay ag bumuoe it kutsilyo ag bumalik nga dayon binuno ro biktima.
Insigida man nga gin daea sa Aklan Provincial Hospital rong biktima para mataw-an it insigida nga pagbueong pero gin transfer raya sa sangka pribadong hospital bangud nga uwa it bakante ro ICU it Provincial Hospital.
Detained man sa lock up cell it Tangalan MPS rong suspek matapos nga madakpan man eagi kahapon.
