LA CARLOTA CITY, NEGROS OCCIDENTAL – Ginbuno sang isa ka menor de edad nga bata nga lalaki ang iya kaugalingon nga tiyo matapos nga ini siya ang ginkuga sini kagab-i sa La Carlota City.
Ang tiyo ginkilala kay Rex Ojeno, 30 anyos ang edad kag pumuluyo sang Brgy. Batuan, La Carlota City, samtang ang hinablos naman, isa ka 13-anyos nga bata mga lalaki, pumuluyo man sang amo nga lugar.
Suno sa iloy sang bata nga hubog ang iya bayaw nga si Rex kon diin iya ginkuga ang amo nga bata sa wala mahibaluan nga rason.
Pahayag sang iloy nga nakibot ang iya anak gani nagkuha ini sang kutsilyo sa ila kusina ang ginbuno ang iya tiyo kag ini ang naigo sa iya tiyan.
Dali-dali nga gindala sa Corazon Locsin Montelibano Memorial Regional Hospital ang biktima samtang ginahulat naman ang disposisyon sa menor de edad nga nakabuno sa biktima./dyHB BACOLOD
