CAUAYAN — MATAPOS ANG PANANALASA NG BAGYONG CRISING AT SA HARAP NG PANIBAGONG BANTA NG BAGYONG DANTE, AT EMONG, NAKA-ALERTO NA ANG MGA AIR ASSETS AT HUMANITARIAN ASSISTANCE AND DISASTER RESPONSE (HADR) TEAM NG TACTICAL OPERATIONS GROUP 2 (TOG 2) UPANG TUMUGON SA ANUMANG POSIBLENG SAKUNA SA REHIYON.
SA PANAYAM NG 98.5 IFM NEWS TEAM KAY TOG 2 COMMANDER COLONEL ARISTEDES M. GALANG, JR., BINIGYANG-DIIN NITO NA PRAYORIDAD NG KANILANG YUNIT ANG CAUAYAN CITY AT IBA PANG BAHAGI NG REGION 2 SAKALING MAGKAROON NG MALAWAKANG KALAMIDAD.
TULOY-TULOY ANIYA ANG KANILANG CIVIL-MILITARY OPERATIONS BILANG BAHAGI NG PAGHAHANDA AT PAGTUGON SA MGA PANGANGAILANGAN NG MGA APEKTADONG KOMUNIDAD.
PATULOY DING NAKIKIPAG-UGNAYAN ANG TOG 2 SA MGA LOKAL NA PAMAHALAAN, IBA’T-IBANG AHENSYA, AT VOLUNTEER RESPONDERS UPANG MAPABILIS ANG PAGHATID NG TULONG KUNG KINAKAILANGAN.
LAYUNIN NG STANDBY ALERT STATUS NG TOG 2 NA PALAKASIN ANG KOORDINASYON NG MILITAR AT PAMAHALAAN PARA SA AGARANG AKSYON AT PROTEKSYON NG MGA APEKTADONG KOMUNIDAD.
