Davao City – Dili ikalimod nga nahimong malampuson ang kampanya sa gidiling droga sa nasod luyo sa mga kontrobersiya sa pagpanguna ni PNP Chief Director General Ronald “Bato” Dela Rosa ilawom sa administrasyon ni Presidente Rodrigo Duterte.
Sumala ni PNP Chief Supt.Camilo Cascolan Pnp Director For Operation, nahimong sikat sa ubang nasod ang kampanya kontra droga sa Pilipinas tungod kay malampuson kini luyo sa mga pagsaway nga naangkon.
Giingon ni Cascolan, epektibo ang ilusad nga pagpabalik sa tokhang ilawom sa ‘One Strike Policy’ tungod ang matag opisyal sa kapolisan magpakabana ug motabang tungod kay mataktak sa serbisyo ang ipahamtang sa higayong mopalpak sila sa ilang kampanya batok gidiling droga.
Tungod niini malaumon ang pamunoan sa Philippine National Police (PNP) nga subling molampus ang ilang kampanya batok droga pinasikad sa mga bag-ong giya pinaagi sa superbisyon nila ni PNP Chief Dela Rosa ug Presidente Duterte.
RadyoMaN Bernard Pantallon
