Sa report sa Davao City Police Office, nadakpan mao si Sammy Dogmoc Caranay, 47-anyos, negosyante ug residente sa Barangay Buhangin, nga giila nga Top 1 Most Wanted Person sa city level ug Top 9 sa regional level sa Criminal Investigation and Detection Group.
Dugang pa, gipangulohan sa City Special Operations Group ang operasyon uban sa Regional Special Operations Group 11, CIDG, ug ubang police units nga miresulta sa pagkasikop sa suspetsado pinaagi sa warrant of arrest nga giisyu sa Regional Trial Court Branch 15 sa ika-11th Judicial Region.
Ang maong dinakpan adunay kasong paglapas sa Comprehensive Dangerous Drugs Act of 2002 o RA 9165 ug Firearms and Ammunition Regulation Act o RA 10591. Sa karon, anaa na sa kustodiya sa kapulisan ang dinakpan alang sa hustong disposisyon.
RadyoMaN Kareen Beltran
