Davao City – Hagbong na sa kamot sa Tugbok Police Station Directorate Intelligence Drug Watch List, ang Top 1 Drug Personality sa buy bust operation nga miresulta sa pagkasikop sa tulo ka mga tawo ug narecober usab ang usa ka armas de fuego sa Brgy.Sto.Nino, Tugbok District, Davao City.
Mga dinakpan sila si Richie Corcuera Nemenzo, giilang number one sa drug watch list, surplus car converter, residente sa Talikod, Island Garden City of Samal (IGACOS), Robert Gutuirez, negosyante, taga-Tandag Surigao del Sur ug Carlo Arquiza, taga- Tigatto, Buhangin, ning siyudad.
Sumala pa, nabitik ang mga suspetsado sa kantidad nga usa ka libo ka pesos nga buy bust money hinungdang naaresto. Narecober sa mga dinakpan ang mga droga nga dunay street market value 10,000 pesos, usa ka revolver nga dunay upat ka mga bala, cellphone ug mga drug paraphernalia.
Mag-atubang sa kasong paglapas sa RA 9165 (Comprehensive Dangerous Drugs Act of 2002) samtang si Nemenzo kasohan usab sa kalapasan sa RA 10591 (Illegal Possession of Firearms).
RadyoMaN Paul Canono
