Davao City – Gipasalamatan ni Police Regional Office (PRO) X1 Regional Director Alden Delvo ang hanay sa kapulisan ug operating unit nga maoy nakasikop sa TOP 1 Regional Level ug High Value Individual (HVI) drug personality atol sa ilang operasyon.
Sa report sa PRO XI, nagmalampuson ang ilang buy-bust operation kauban ang Bajada Police Station ug Davao City Special Operations Group sa Cabaguio Ave., Brgy. Wilfredo Aquino ning dakbayan diin nasikop ang HVI drug personality nga si ‘Alyas Pre’ lakip na ang Street Level Individual nga si ‘Alyas Edmar’.
Atol sa operasyon, nasakmit ang gibana-banaang shabu nga mutimbang kapin kun kulang 52 grams nga mukantidad dul-an usa (1) milyon pesos.
Sa pagkakaron, ang suspects anaa na sa kustodiya sa Bajada PS alang sa tukmang disposisyon.
RadyoMaN Ivy Parido
Facebook Comments
