Madalag, Aklan – Arestado ko gintingub nga pwersa it Banga ag Madalag PNP rong sangka Top 1 Most Wanted Person it Banga PNP kahapon it hapon sa Poblacion, Madalag, Aklan.
Rong akusado nakilaea kay Rainer Nadate Javier ukon Reniel Nadate, 42-anyos ag residente it Sitio Agbubunga, Medina sa nasambit nga banwa.
Gin aresto raya pinaagi sa bisa kung Warrant of Arrest nga may Criminal Case No. 6027 sa kasong pagpatay nga gin isyub ni Hon. Shiela Y. Martelino-Cortes, Exec. Judge, Regional Trial Court 6, Kalibo, Aklan nga may petsang Hunyo 7, 2001.
Sa makaron hay temporaryo anay nga gin kustodiya it Banga PNP si Nadate ag nakataeana nga iga turn over sa korteng natungdan.
Samtang, ginpamalibaran mat-a it akusado rong krimen ag suno kana nadaeahig eamang raya sa kasong pagpatay sa Pagsanghan, Banga ko Pebrero 4, 2001.
