General Santos City–Gipaabot nalang karon sa Police Station 4 nga mag pakanaog ug commitment order ang korte batok sa usa ka Andreo Masaglad Malid, 35 anyos, usa ka barbero ug nanimuyo sa Promise Land, Barangay Mabuhay ning syudad aron nga mabalhin na ang nasampit sa Gensan City Reformatory Center human nga masikop atol sa gipahigayon nga manhunt Charlie gumikan sa kaso niining parricide.
Nasayran nga nasikop ang nasangpit nga suspect alas 8:40 ang takna sa gabie sa Barangay New Panay, Sto Nino South Cotabato human nga gimando sa korte, ilawom sa sala ni Hon. Judge Jose Blanza Jr..
Dugay matud pa nag taguan ang suspect sa maong lugar hinungdan nga sa dihang nasayran nga didto ra nag taguan gilayun nila kining gi-operasyonan.
Sa karon pabiling balhog ang suspek sa Police Station 4. (Dave Silagan)
