Davao City – Nadakpan sa Mandug Police Station ang Top 10 city level drug personality o High Value Individual (HVI) human napalitan og marijuana niadtong Sabado alas 2:57 sa kadlawon sa Purok 29, Ocean View, Phase 1-A, Brgy.Ilang, Davao City.
Sa report gikan sa Mandug Police Station, giila ang dinakpan nga usa ka Aaron Jan Malalis Regis, alias “DOC”, 22 anyos, electrician, residente sa nasampit nga Barangay.
Sumala pa nga malampusong napalitan ang suspek og usa ka sealed transparent plastic sachet nga adunay sulod nga marijuana. Nakuha usab sa posisyon ang laing tulo ka sachet nga ang sulod marijuana nga motimbang 35.40 grams ug mokantidad sa P7,000.00. Nakumpiska ang P500.00 buy bust money ug usa ka cellphone.
Kalapasan sa RA 9165 o Comprehensive Dangerous Drugs Act of 2002 ang ipasaka karong adlawa, April 15, 2024 batok sa dinakpan.
RadyoMaN Don Pulayao
Facebook Comments
