Arestado sa implementasyon sang search warrant operation sang kapolisan ang top 10 drugs personality sa banwa sang Polomolok, South Cotabato sang tinalikdan nga adlaw
Ginkilala ang suspek kay Shefren Clave Libre Dignadice, 36 –anyos , single, jobless kag residente Prk Dignadice, Brgy Poblacion sa nasambit nga banwa.
Nakuha naman sa posisyon sang suspek ang 13 ka heat sealed transparent cellophane sachet sang ginapatihan shabu, assorted illegal drug paraphernalia, mga nagkalain-lain nga kalibre sang armas luthang, mga bala kag iban pa.
Nagalab-ot naman sa more or less 2.41 grams ang kabug-aton sang nakuha nga illegal drugs kag may street value nga nagakantidad sang masobra P16,500.00
Kaso naman nga pagbayolar sa Article II, Sections 11 and 12 sang RA 9165 kag Violation of RA 10591 ang ginpasaka batok sa suspek.
