Top 10 drug pusher sa Buhangin area sikop

54

Davao City – Nasikop sa buy-bust operation ang gikonsiderang Top 10 priority target number sa drug watchlist #9 sa Buhangin area ning syudad kagahapong adlawa.

Giila ang dinakpan sa Buhangin Police Station nga si Andrian Donato, 36 anyos, driver ug residente sa Purok San Isidro Labrador, Brgy. Indangan, Buhangin District, ning dakbayan, human gitunol ang usa ka sachet sa gitohoang shabu ug gidawat ang 500 pesos nga mark money gikan sa pulis nga poseur buyer alas 12:00 sa kagabhion.


Nakuha gikan sa possession sa dinakpan ang pipila ka sachet sa shabu nga motimbang og 0.4 gramos ug mokantindad sa singko mil ka pesos ug narecover usab sa kapolisan ang .38 kalebring rebolber.

Sumala ni Police Major Estrello Ramiso Chief of Police Buhangin Police Station, taud-taud na nilang gipanid-an si Donato sa ilang area kabahin sa iyang kalihukan sa gidiling droga. Kasong kalapasan sa Republic Act 9165 (Comprehensive Dangerous Drugs Act of 2002) ug Republic Act 10591 (Illegal Possession of Firearms) ang ipasaka batok kang Donato.

RadyoMaN Joel Viray

Facebook Comments