Davao City – Nalipay pag ayo ang usa sa mga kandidata sa Mutya ng Davao human usa siya sa napili sa top 15 sa semi finals nga gipahigayon kagabii sa Abreeza Mall, Bajada ning dakbayan.
Sa pakighinabi sa DXDC RMN Davao kang candidate # 23 nga si Nikki Louise Tan, gibati siya’g tumang kalipay tungod sa 28 ka mga kandidata, usa siya sa mga nakasulod sa top 15.
Dugang ni Tan nga paningkamutan niya nga makuha ang korona diin ipahigayon ang Mutya ng Dabaw finals karong umaabot nga Marso 15 sa Rizal Memorial Colleges kun RMC.
Dugang niini dakong premyo ang madawat sa mga madaug sa maong kompetisyon.
Kini ang giingon ni Dan Salvaña Jr., Event Director sa Mutya ng Davao 2018 atol sa interview sa DXDC diin kapin P300,000 nga cash prizes ang giandam alang sa mga mudaog.
Ang makoronahan nga bag-ong Mutya ng Davao mudawat og P100,000, ang 1st runner-up P75,000, 2nd runner up P60,000, 3rd runner-up P50,000 ug 4th runner up mudawat og P40,000.
RadyoMaN Renz Barbarona
