Davao City – Sikop sa kapulisan ang tulo ka mga drug pusher atol sa gilusad nga nga buy bust operation sa pagpanguna sa Sta Ana Pnp kauban ang Drug Enforcement Unit sa Task Force Davao ug ang Philippine Drug Enforcement Agency.
Ganinang ala-1:00 sa kaadlawon sikop ang mga dinakpan nga mao sila si Omar Aquilan, 30 anyos ug si Alfredo Luto alyas Budi, 19 anyos parehong nagpuyo sa Sitio Punta Barangay 31-D siyudad sa Davao.
Matud pa sa dihang gikasa ang buy bust operation usa ka police ang nagtakuban isip poseur buyer bitbit ang buy bust money nga P1,000.00 pesos kambiyo sa usa ka sachet nga shabu hinungdan sa pagkasikop sa mga suspek.
Narekober gikan sa posisyon ni Omar Aquilan ang usa ka brown leather coin purse nga dunay sulod nga tulo ka big zise rectangular heat sealed plastic sachet nga gituohan shabu samtang nakuha gikan sa posisyon ni Budi ang 13 ka elongated heat sealed transparent plastic sachet nga gisulod sa color brown native style coin purse.
Ang nakompiska nga drug items adunay estimated st. value nga P216,000.00 ug gibanabanaang mutimbang sa 18 gramos.
Samtang sikop sab ang lain pang drug pusher nga mao si David Quilantang Lina Alyas Tata, 30 anyos nagpuyo sa Purok 1 Sitio Punta Barangay 31-A siyudad sa Davao.
Nakuha sa kapolisan gikan sa dinakpan ang siyam ka elongated heat sealed plastic sachet estimated shabu nga adunay st.value nga P48,000.00 pesos nga gibanabanaan mutimbang sa 4 gramos.
Ang dinakpan nga si Tata giila nga Top 2 drug personality sa syudad.
Ang tulo ka mga dinakpan balhug na sa Sta. Ana PNP ug gihikay na ang kasong kalapasan sa RA 9165 kun Comprehensive Dangerous Drugs Act of 2002.
RadyoMaN Don Pulayao
