Kalibo, Aklan – Arestado it mga kapulisan rong Top 2 most wanted person sa probinsya it Aklan kabii sa bahin it Pasay City.
Rong akusado nakilaea kay Dave Macabantad Prado,32-anyos, native it Brgy, Bay-ang, Batan nag residente it Brgy. Lalab, Batan.
Gin-aresto si Prado ko mga katapo it Aklan PPO Trackers Team, Batan MPS, Southern DFU CIDG-NCR, 605th MARPSTA ag PIS pinaagi sa bisa kung warrant of arrest nga may Criminal Case No. 12586 sa kasong Murder nga ginpaguwa ni Hon. Judge Domingo L. Casiple Jr., Presiding Judge, RTC 6 Branch 7, Kalibo Aklan nga may petsang Pebrero 2, 2016.
Uwa it pyansa nga gintaeana rong korte para sa anang temporaryong kahilwayan.
Sa matandaan nga natabo rong insidente ko 2016 samtang nagabaktas rong biktima nga si Jay Bantigue pauli halin sa Alumni sa Brgy. Bay-ang kat binuno it suspek.
