Sa interview sa DXDC RMN Davao kang Police Major Carol Jabagat, ang Hepe sa Sasa Police Station gibutyag niini, kasong kalapasan sa RA 9165 o Comprehensive Dangerous Drugs Act of 2002 ang napasaka na batok sa mga dinakpan giila sila Marven Patria, alyas Brad, Top 2, forklift operator, Edgardo Ruelo, Top 3, 35-anyos, truck helper, taga Brgy. Tibungco, Davao City, Darrel Tabuno, 30 anyos, taga Bunawan, Davao City ug Nory Ann Escobal, 45-anyos, massage therapist, residente sa Brgy. R. Castillo Agdao, syudad sa Davao.
Narekober sa mga awtoridad gikan sa posisyon sa dinakpan, ang 4.28 grams nga gidaghanon sa shabu nga mokantidad sa P32,776, buy bust money ug mga illegal drugs paraphernalias.
Ang pagkasikop sa upat ka dinakpan, kabahin kini sa mas gipakusgan nga kampanya kontra illegal nga droga sa ilang area of responsibility (AOR) ubos sa pagdumala sa maong Hepe.
RadyoMaN Don Pulayao
