Mao kana ang panawagan sa Tagum City Health Office (CHO) human natala sa ulahing adlaw sa Nobyembre 2023 ang 20 ka mga bag-ong kaso sa dengue diin sagad sa mga pasyente, nag-edad 0-5 years old.
Sa datos gikan sa City Epidemiology Surveillance Unit (CESU), human sa pagpanubay gikan Enero hangtod ning kasamtangan, nasayrang tulo ka mga barangay karon ang ginatutukan tungod sa ilaha gikan ang taas nga ihap sa dengue patients.
Nag-una ang Brgy. Visayan Village nga niabot sa 213 cases, gisundan sa 163 cases sa Brgy. Apokon ug dayon ang 141 sa Brgy. Mankilam.
Kanunay pahinumdom sa Tagum City CHO nga sundon ang kampanya batok dengue pinaagi sa 5S strategy nga mao ang musunod: Search and destroy mosquito breeding sites, self-protection o paggamit og insect repellents, seek early consultation sa pinakaduol nga health care facility, support fogging, spraying, and misting sa hot spot areas ug sustain hydration.
Dugang pahimangno nga ang sayo nga pagpakonsulta makatabang sa pagkumpirma sa maong kaso. Busa adto sa pinakaduol nga Barangay Health Center para sa mas luwas ug himsog nga kalawasan sa imong pamilya ug sa komunidad.
RadyoMaN Ivy Parido
