Gipasidunggan sa kagamhanan ning syudad ang tulo ka establisemento isip Best Restaurants in Cagayan de Oro City 2018.
Kini mao ang Kagay-anon Restaurant, Minindal Restaurant ug Cucina Higala Restaurant.
Ang pasidungog gitunol ni Acting City Administrator Teddy Sabuga-a Jr. ug Assistant City Health Officer Dra. Rachel Dilla atol sa flag raising sa City Hall kagahapon sa buntag.
Ang Best Restaurants in Cagayan de Oro Award usa ka inisyatiba sa City Health Office o CHO ubos ni City Health Officer Dra. Fe Bongcas agig pag-ila sa mga restaurants ning syudad nga nagsubay sa taas nga standards.
Kini naglakip na sa kalimpyo sa ilang establisemento ug ang hustong pag-andam sa ilang mga pagkaon.
Nasayran nga ang top 3 awardees mipaubos sa makuting inspeksyon ug ebalwasyon sa usa ka independent evaluation committee nga gikomisyon sa CHO.
