Davao City – Kasong paglapas sa Republic Act 9165 ang atubangon sa usa ka lalaki nga nadakpan sa Sitio Tagamot, Barangay Dawan, Mati City, Davao Oriental diin siya gikonsiderang Top No. 3 City Level Most Wanted Person.
Sa report sa Mati City Police Station, ang suspek nailang si Charlito Comita alyas Boyet, 46 anyos, minyo, laborer ug residente sa Purok 9, Barangay Mayo, Mati City, Davao Oriental.
Ang warrant of arrest, giisyu ni Hon. Maria Sophia Gil-Torrejos, Acting Presiding Judge of Regional Trial Court, 11th Judicial Region, Branch 5, City of Mati.
Ang kaso adunay girekomendang pyansa nga P120,000.
Nagpasalamat ang awtoridad sa padayong suporta sa katawhan pinaagi sa pag-report sa mga iligal nga aktibidad ilabi na sa iligal nga droga sa ilang komunidad.
RadyoMaN Kirby Manzon
Facebook Comments
