Davao City – Patay ang usa ka Top 3 drug personality human giingong misukol sa kapulisan atol sa gikasang buy bust operation sa usa ka Inn sa Sitio Bakal, Brgy.Leon Garcia, Agdao dinhi sa dakbayan sa syudad.
Sa report sa Sta. Ana PNP, giila ang napatay nga usa ka Carlo Borja Balane, 24 anyos, residente sa Brgy.21-C Piapi Boulevard, siyudad sa Davao.
Matud pa nga malampusong napalitan ang suspek og usa ka sachet nga shabu kambiyo ang P500.00 nga buy bust money apan nakamatikod nga mga pulis ang iyang gikatransak hinungdan nga kalit mihulbot sa iyang armas dayo’g pusil sa mga awtoridad apan abtik nga naka retaliate ang mga pulis.
Gidala pa sa Southern Philippines Medical Center ang nahisgutan apan deklarado na kining dead on arrival.
Narekober sa otoridad ang .38 revolver, duha ka basiyo sa Cal. 9mm ug mga bala, laing 9 ka pakete nga shabu nga dunay estimated street market value nga P5,500.00.
RadyoMaN Don Pulayao
