Davao City – Nasikop sa usa ka joint buy-bust operation sa kapulisan ang duha ka suspetsado nga giilang sila si alias “Brad,” usa ka Regional Top 4 High-Value Individual, ug si alias “Tata,” sa Barangay Pagsabangan, Tagum City.
Ang operasyon gipangulohan sa Tagum City Police Station uban sa tabang sa nagkadaiyang special units sa PNP.
Narekober gikan sa duha ang napulo (10) ka pakete sa gituohang shabu nga adunay gibug-aton nga 40 gramos ug gibanabana nga nagkantidad og Php 272,000 base sa standard drug price.
Ang duha ka suspetsado kasamtangan nga nakakostudiya sa police station ug gitakdang pasakaan og kaso sa paglapas sa Comprehensive Dangerous Drugs Act of 2002.
RadyoMaN Kareen Beltran
Facebook Comments
