Davao City – Patay ang usa ka Top 4 most wanted person human misukol sa kapulisan Sasa atol sa pagsilbi sa warrant of arrest batok sa akusado pasado alas 2:00 sa hapon sa Km. 10 Sasa siyudad sa Davao.
Sa esklusibong interview sa DXDC RMN Davao kang Police Major Reuben Libera, Station Commander sa Sasa PNP nga ang napatay mao si Alkhalid Jamdani, hingkod ang edad, residente sa Purok 2, Km 10, Muslim Village, ning dakbayan.
Matud pa ni Libera si Jamdani dunay kasong kalapasan sa iligal nga druga ug kasong murder nga giisyu ni Judge Jill Rose Jaugan-Lo sa Regional Trial Court Branch 14 ning siyudad.
Samtang narekober sa Soco Team ang usa ka .38 caliber revolver, usa ka bala, dul-an napulo ka pakete nga shabu nga dunay estimated street market value nga P30,000.00.
Ang patayng lawas gidala na sa Rivera Funeral Parlor Panacan ning dakbayan.
RadyoMan Don Pulayao
