Davao City- Wa maka-ipsot gikan sa kamot sa mga sakop sa Drug Enforcement Unit sa Presinto #1 ang duha ka drug pushers nga giilang mao silang Raymond Osman, 30 anyos, ug kauban niini nga si Jonnex Sabete, 31 anyos, ug pulos mga residente sa Barangay Bago Aplaya ning syudad.
Ang duha napalitan og gituhoang shabu sa Pulis nga nagsilbing poseur buyer, ug dihang gidawat na sa mga suspek ang P1,000 nga mark money, gilayon gipusasan ang duha.
Ang mga suspek, nakuhaan pa og laing duha ka pakete sa gituhoang shabu nga mutimbang og 6 gramos ug mukantidad tanan og kapin P42,000, motorsiklo, ug uban pa.
Si Osman, gikonsidarang Top 5 City Level sa kampanya kontra droga sa area of responsibility sa Sta. Ana PNP diin pila usab ka adlaw gipailawom sa surveillance ang ilegal nga kalihokan sa duha.
Kasong may kalapasan sa Republic Act 9165 kun Comprehensive Dangerous Drugs Act of 2002 ang atubangon nga kaso sa mga dinakpan nga nakapansak na sa selda sa Sta. Ana PNP.
via RadyoMan Joel Viray
Facebook Comments
