Lapuyan, Zamboanga del Sur – Kasamtangang gikustodiya karon sa kapulisan ang giilangTop 5 Most Wanted Person sa Lapuyan human kini malampusong nadakpan kagahapon sa buntag sa Purok Gumamela, Sitio Bayolan,Barangay Danganan, Lapuyan, Zamboanga del Sur.
Ang dinakpan giilang si REYNALDO LLURAG ALAO, 19 anyos, minyo, usa ka mananagat ug residente sa Purok Gumamela, Sitio Bayolan,Barangay Danganan, Lapuyan.
Si Alao ang adunay warrant of arrest alang sa 3 ka ihap sa kasong Rape kon Pagpanglugos nga gipagawas ni Ruben N. Bance, presiding judge of RTC Branch 29, San Miguel, Zamboanga del Sur kaniadtong Nobyembre 5, 2018.
Walay pyansa nga girekomenda ang Korte bugti sa temporaryong kagawasan sa dinakpan.
Ang dinakpan ang kasamtangang anaa sa kustodiya sa Lapuyan MPS alang sa dokumentasyon ug tukmang disposisyon.
