Priso sa locked-up cell sa Kalawit MPS ang usa ka pinangita sa balaod human kini naaresto sa gihimong operasyon sa mga operatiba sa Godod MPS partikular mente sa Brgy. Raba, lungsod sa Godod ning probinsya sa Zamboanga del norte niadtong adlawng lunes.
Bitbit sa mga tinugyanan sa balaod ang warrant of arrest batok kang Antonio Duran Luminas Jr. alyas Tata, nasulod kini sa Top 5 Most Wanted Person sa lungsod sa Kalawit.
Si Antonio Luminas nag atubang kini sa kasong Homicide adunay CC # L-0011662 adunay pyansa nga ge rekomendar ang korte sa kantidad nga P40,000mil alang sa iyang temporaryong kagawasan.
Sa laing bahin, gihikay na sa kapulisan sa lungsod sa Siyan ang kasong ipasaka sa usa ka person of interest nga mihimo sa pagkulata sa usa ka biktima.
Ang insidente nahitabo kini sa Sitio Riverside, Brgy. Pob. Siayan ang person of interest mao si Wilson Pumicpic Calapiz, 58 anyos molupyo sa Sitio Lupot sakop sa maong lungsod.
Ang biktima mao si Expedito Agustin Magallanes, 67 anyos nagpuyo sa maong dapit.
Sa inisyal nga imbistigasyon sa kapulisan samtang padulong maligo sa suba si Amie Gean Laviga uban sa iyang mga kaubanan ilang nakita ang biktima ug person of interest nga nag away ang person of interest nga si Wilson mikuha kini kahoy dayong hampak ngadto sa biktima sa makadaghan nga higayon naka angkon kini ug daghanang bun-og sa lawas apan swerte pa nga nakapalayo ang biktima.
Nagpasalamat usab ang biktima nga daling nasikop sa kapulisan si Wilson ug karon pormal na nga napasakaan ug kaso.
