Cauayan City, Isabela- Natimbog na ang itinuturing na Top 5 Most Wanted Person municipal level sa ilalim ng Oplan Manhunt Charlie ng PNP Tumauini sa Brgy. Minanga sa naturang bayan.
Kinilala ang akusado na si Roberto Villaflor, 54 anyos, may asawa at residente rin sa naturang lugar.
Sa ibinahaging impormasyon ni PMaj. Rolando Gatan, hepe ng pulisya, naaresto si Villaflor sa mismong barangay nito sa bisa ng warrant of arrest na inisyu ni hukom Felipe Jesus Torio II ng RTC Branch 22 Cabagan, Isabela.
Si Villaflor ay nahaharap sa kasong Illegal Discharge of Firearm na naitala noon pang ika-22 ng Oktubre taong 2008 at mayroon itong kaukulang piyansa na Php8,000.00.
Nasa pangangalaga ngayon ng PNP Tumauini ang akusado para sa kaukulang dokumentasyon at nakatakdang ipasakamay sa court of origin.
