Davao City- Nadakpan ang usa ka babaeng anaa sa drug watchlist nga gikunsiderang Top 6 city level drug personality sa operasyon nga gilusad sa Talomo PNP ug sakop sa RSOG-RPDEU XI.
Nakig koordinar ang otoridad sa PDEA XI diin naila ang dinakpan nga si Marlyn Songcat Bustamante, 37 anyos, residente Purok 52, River Side, S.I.R. New Matina, Davao City.
Sumala pa na-aresto ug naaktuhan sa kapulisan ang suspek nga nagapamaligya og iligal nga droga ug napalitan usab sa awtoridad ang suspek ug usa ka sachet nga shabu kambiyo ang buy bust mark money nga mukantidad ug P21,000 gani nakuhaan pa usab kini og gituohang shabu nga mukantidad sa P100,000 lakip nakumpiska ang mga illegal drugs paraphernalia.
Ang dinakpan nga si Bustamante kanhi nadakpan sa awtoridad ug nakagawas niadtong bulan sa Marso tuig 2019 human naka avail sa plea bargaining.
Sa karon ang suspek balhug na sa Talomo PNP ug mag-atubang og kasong kalapasan sa R.A 9165 (Comprehensive Dangerous Drugs Act Of 2002).
RadyoMaN Don Pulayao
