Davao City – Wala na makaikyas pa ang gikonsidera sa Philippine Drug Enforcement Agency Regional Office XI nga pirte ka idlas nga drug personality sa Davao Region.
Sumala ni PDEA XI spokesperson Noli Dimaandal nga ang suspek mao si Eric Tumanda Muga, 42 anyos, resident sa Sta. Cruz, Ogao, Nabunturan, Compostela Valley Province.
Malampusong nadakpan kini atol sa entrapment operation human positibo kining napalitan sa asset sa PDEA og usa ka medium pakete sa gisuspetsahang shabu nga nagkantidad og P10,000 sa may Purok 2B, Barangay Cabidianan, Nabunturan, Compostela Valley Province.
Gibutyag ni Dimaandal nga si Muga maoy regional target number 6 drug personality dinhi sa rehiyon onse.
Nakuhaan usab kini’g duha pa ka gramos sa shabu lakip na ang buy bust money.
Kasong may paglapas sa Sec. 5 ug Sec 11 sa RA 9165 ang giatubang sa suspek.
RadyoMaN Aimee Guinita
