Davao City – Arestado sa 39th Infantry Batallion, 10th Infantry Division, Philippine Army ang usa ka sakop sa New People’s Army ( NPA) nga adunay patong-patong nga kaso diin nahitabo ang pag-aresto sa Barangay Alegre, Bansalan, Davao del Sur.
Giila ang dinakpan nga si Alberto Linda Bangcas, 54 anyos, taga-Balabag, Digos City, Davao del Sur.
Gisilbi sa mga operatiba ang warrant of arrest nga giisyu ni Judge Jose T. Tabosares, Presiding Judge of RTC branch 23, Kidapawan City, North Cotabato sa kasong Multiple Attempted Murder nga adunay pyansang P120,000.00.
Sumala sa report sa Bansalan Municipal Police Station, narekober sa militar sa possession sa suspek ang mga eksplosibo nga anaa sa 2 hangtod 8 ka kilos lakip usab hand grenade.
Giturn-over sa kasundalohan ang suspek sa Bansalan Municipal Police Station ug gisilbi usab ang laing warrant of arrest sa kasong Robbery with Homicide.
Segun sa kapolisan sa Bansalan, ang suspek gikonsiderang Communist Terrorist Group (CTG) Most Wanted Top 6 Provincial level.
RadyoMaN Aimee Guinita
