Midsalip, Zamboanga del Sur – Nadakpan mga kasama sa mga kapulisan sa Midsalip MPS ang usa ka pinangita sa balaod didtung dapita sa Purok Nangka, Brgy. Timbaboy, Midsalip ning probinsya alas 3 ang takna kagahapong adlawa November 8, 2021.
Nadakpan sa gilusad nga operasyon sa mga kapulisan ang suspek nga si Partpart Jimenez Mansanadez aka Glenn Mark Jimenez Mansanadez, 29-anyos, Online shop delivery, ulitawo ug residente sa Barangay Bara, Syudad sa Cagayan De Oro nga kasamtangan nga nanimuyo sa Purok Nangka, Brgy.Timbaboy, Midsalip, Zamboanga del Sur.
Giaresto ang akusado pinasikad sa gahom sa warrant of arrest sa kasong Murder nga giissue ni Hon. Ernesto MVE. Laurel, Presiding Judge, RTC, Branch 30, 9th Judicial Region, Aurora, Zamboanga del Sur pinitsahan atung October 8, 2008.
Ang maong dinakpan ang nakakostodya na sa presohan sa Midsalip MPS samtang wala na kini ang gitugutan sa korte nga makapyansa bugti sa iyang temporaryo nga kagawasan.
