Nag-ipon ug pwersa ang tropa sa Mahayag Municipal Police Station, puwersa Dulag Leyte Police Station ug elemento sa 1st Leyte Provincial Mobile Force Company aron pagsilbi sa tulo ka warrant of arrest batok Top 6 Most Wanted Person sa Barangay Tigbao, Dulag Leyte.
Ang operasyon miresulta sa pagdakop sa target nga si Ronnie Acain Tibe, 49-anyos, usa ka Barangay Tanod sa Barangay Tigbao, Dulag Leyte .
Gidakop ang akusado pinasikad sa gahom sa Warrant of Arrest nga gipagawas ni Judge ERNESTO LAUREL, RTC Branth 23, 9th Judicial Region, Molave, Zamboanga del Sur sa tulo ka kasong Child Abuse through Lascivious Conduct.
Gitugatan sa korte nga makapyansa ang dinakpan sa kantidad sa 400 mil ka pesos bugti sa iyang temporaryo nga kagawasan.
Samtang dakpan usab sa operatiba sa Pagadian City Police Station ang pinangita sa kasong murder atol sa gilusad nga police operation sa Purok Baybay 2, Barangay Poloyagan, Pagadian City.
Giila ang nadakpan nga si Cirilo Gadia, 59-anyos, mananagat ug residente sa Purok Baybay 2, Barangay Poloyagan,ning dakbyan.
Armado ang kapulisan sa Warrant of Arrest sa kasong Murder, nga gipagawas ni Judge Reinerio “Abraham” Ramas, sa Regional Trial Court, 9th Judicial Region, Branch 18, Pagadian City.
Walay pyansa nga girekonda ang korte bugti sa kagawasan sa dinakpan nga karon gikustodiya sa Pagadian City Police Station detention cell.
