Davao City – Sikop sa elemento sa Sasa PNP ang usa ka Top 6 most wanted sa gilusad nga Major Anti-Criminality/Terorism Clearing Operation pasado alas-2:00 sa kahaponon.
Giposasan sa kapulisan ang akusado nga si William Campbell, 73-anyos, American national, ug nagpuyo sa Coca-Cola Village, Matina ning siyudad.
Ang akusado nag-atubang og kasong attempted murder sa sala ni Judge Mario Duavez sa Regional Trial Court branch 15.
Si Police Senior Francisco Sendo Jr. maoy nagsilbi sa orden de aresto batok ni Campbell kinsa malinawong mikuyog sa mga tinugyanan sa balaod.
Nagpaabot na lang ang kapulisan og commitment order sa korte aron hingpit nang matunol sa Davao City Jail si Campbell.
RadyoMaN Joel Viray
Facebook Comments
