TOP 7 HIGH VALUE DRUG PERSONALITY SA ILIGAN DAKPAN SA PDEA

19

 Walay Bagyo nga makapugong sa padayon nga operasyon batok sa ginadiling druga sa mga sakop sa Philippine Drugs Enforcement Agency o PDEA.

Kini human ilang nasikop ang giilang top 7 high value target nga drug personality dinhi sa Iligan alas onse y medya sa buntag niadtong Sabado sa may purok singko barangay Palao likod nga bahin sa City Hall.


Giila ang maong suspect nga si Joevil Fernandez uban ang pito pa niini ka mga kauban nga giilang sila si Noriza Zalsos, Ericson Tabiliran, Kurt Vincent Calunod, Paul Benidect Zalsos ug ang mag-amahan nga maoy tag-iya sa panimalay nga gihimong Drug Den nga sila si Ranel Abule (amahan), Raybon Abule (anak) ug Jarly Abule (anak).

Matud ni PDEA Lanao del Norte Assistant Provincial Officer Neil Pabilona nga taud-taud na nilang gi-surveillance ang suspect.

Mokabat sa kapin kun kulang 70 mil pesos ang street value sa nakunpiskang dose ka sachet sa gituho-ang shabu.

Gidala na karon sa rehiyonal nga buhatan sa PDEA ang mga suspect alang sa dugang imbestigasyon ug eksaminasyon nga ilang atubangon.




Facebook Comments