Dumingag, Zamboanga del Sur – Himas rehas na sulod sa presohan sa Dumingag Municipal Police Station ang usa ka pinangita sa balaod human kini ang nadakpan didtung dapita sa Purok 1, Brgy. Guintananan, Dumingag, Zamboanga del Sur.
Alas 2:30 ang takna sa niaging hapon gilusad sa mga kapulisan sa Dumingag MPS nga gipanguluhan ni Police Major Mark Gerome Nebria ug lain pang kaubanan sa Kapulisan ning Probinsya.
Gibutyag ni Police Major Nebria nga ang nadakpan nga suspek naila nga si Elmer Bruce Frasco, 48 – anyos, minyo mag-uuma residente sa naasoy nga dapit.
Giaresto ang maong suspek pinasikad sa gahom sa warrant of arrest sa kasong Frustrated Murder nga gipasaka sa Branch 23 sa Ninth Judicial Region, Molave, Zamboanga, Zamboanga del Sur pinitsahan atung November, 18 2021.
Ang maong suspek ang gitugutan kini sa korte nga makapyansa sa kantidad nga 200 mil ka pesos.
