Top 7 & Top 9 City Level High-Value Individual, arestado

Davao City – Napasaka na Sasa PNP ang kaso ngadto sa korte kagahapon, Pebrero 5, 2024 batok sa duha ka drug personalities nga giilang sila alias Maden, Top 7 Regional Level High-Value Individial ug alias Jun-jun, Top 9 City Level High-Value Individual human nga malampusong nadakpan tungod sa iligal nga droga.

Subay kini sa gikasang buy-bust operation niadtong milabayng adlaw’ng sa Waling-Waling Street, Buhangin, Davao City.

Sa interview sa DXDC RMN Davao kang Police Major Carol Jabagat, ang Hepe sa Sasa PNP, gibutyag niini nga kasong kalapasan sa RA 9165 Comprehensive Dangerous Drugs Act of 2002 ug kasong kalapasan sa RA 10591 kun illegal Possession of Firearms and Ammunition ang napasaka sa korte batok sa duha ka mga dinakpan.

Segun ni Jabagat, sa wala pa nadakpan ang duha ka suspek, adunay impormasyon nga nadawat ang buhatan nga nagabaligya sa gidiling droga ang duha apan sa dihang gikasa ang operasyon, wala kini nakabantay nga pulis ang ilang gikatransak resulta sa pagkasikop.

Narekober sa mga awtoridad gikan sa posisyon sa duha ang 7.43 grams sa gituohang shabu nga mokantidad og P133,740, lakip nakumpiska anf usa ka unit nga .38 revolver ug illegal drugs paraphernalia.

RadyoMaN Don Pulayao