Davao City – Nadakpan sa gilusad nga buy-bust operation sa kapulisan ang usa ka drug personality sa Purok 26 Riverside, Barangay Ma-a, Davao City.
Giila ang suspetsado nga si alyas “Nonito”, kinsa gikonsidera usab isip Top 8 City Level High Value Individual (HVI) human nga dugay na nilang gi-monitor ang lihok sa pagka lambigit sa illegal nga droga.
Nasakmit gikan sa suspetsado ang lima (5) ka pakete sa gituohang shabu nga adunay kantidad nga Php142,800.00.
Karon, anaa na sa kustodiya sa Police Station 16 Ma-a ang suspetsado ug nakatakda kining pasakaan og kaso ilawom sa R.A. 9165 o Comprehensive Dangerous Drugs Act of 2002.
RadyoMaN Kareen Beltran
Facebook Comments
