Davao City – Napasaka na ang kaso sa Philippine Drug Enforcement Agency kun PDEA XI ngadto sa City Prosecutor office ang kasong kalapasan nga RA 9165 Comprehensive Dangerous Drugs Act of 2002 ug RA 10591 Illegal Possession of fire arms ammunition batok sa Top 8 drug pesonality nga nagamaligya og gituohang shabu.
Sumala pa gikiha na ang nadakpang si Alvin Lampano, 34 anyos, usa ka fish vendor ug residente sa Purok 24,Teachers Village, Calinan siyudad sa Davao.
Kahinduman nga sa gilusad nga buy bust operation sa pagpanguna sa PDEA XI kauban ang Calinan PNP ug Criminal Investigation Team, nasikop ang dinakpan alas 3:55 sa hapon sa nasangpit nga lugar sa dihang wala kini kabantay ug nasakpang namaligya sa gituohang shabu pinaagi sa poseur buyer gamit ang 500.00 pesos nga buy bust marked money bugti sa iligal nga droga.
Nakuha gikan sa arestado ang tulo ka sachet nga gituohang shabu, mga drug paraphernalia lakip nakumpiska ang usa ka .38 revolver ug dunay mga bala.
Radyoman Don Pulayao
