Bayog, Zamboanga del Sur – Dakpan tropa sa kapulisan sa Bayog ug Siay Municipal Police Station ang Top Most wanted Person sa Municipal atol sa gikasa nga joint manhunt operation against wanted person sa Purok 3, Barangay Bagong Silang, Siay, Zamboanga Sibugay alas 10:20 kagabii.
Wala na makalugnot ang target nga si Carlito Cabalida Dela Peña, 44-anyos, residente sa Purok 3, Bagong Silang, Siay, Zambo. Sibugay (Top 8 MWP Bayog MPS).
Armado ang kapulisan sa warrant of arrest batok sa suspek sa kasong Frustrated Murder nga gipagawas ni Judge Franklyn Villegas, sa Ninth Judicial Region, Branch 19, Pagadian City, Zamboanga del Sur.
Mobalor sa 200 mil ka pesos ang pyansa nga girekomenda sa korte bugti sa temporaryo nga kagawasan sa dinakpan.
