Pagadian City – Laing pinangita sa balaod usab ang nadakpan sa tropa sa Criminal Investigation Detection Group CIDG Zamboanga Sur , Dinas MPS ug Provincial Mobile Force Campany dihang gihimo ang operasyon sa Zone 1, Barangay Tiguma, Pagadian City.
Target sa kapulisan ang wanted nga si Osoy Pepito alyas Jonathan, 27 -anyos, residente sa Purok 3, Barangay Daplayan, San Pablo, Zamboanga del Sur ug ang top 8 Most Wanted Person Municipal Level sa Dinas MPS.
Armado ang otoridad sa Warrant of Arrest batok sa suspek sa kasong Frustrated Murder nga gipagawas ni Judge Ruben Bance, Presiding Judge, Regional Trial Court, Ninth Judicial Region, Branch 29, San Miguel, Zamboanga del Sur.
Ang dinakpan giturned-over na ngadto sa Dinas PNP ug gitugutan sa Korte nga makapyansa ang dinakpan sa kantidad nga 120,000 aron makatilaw sa temporary nga kagawasan.
Photo: Pagadian City Police Station
