Davao City – Nalit-ag sa kapulisan ang usa ka top 8 most wanted sa lungsod sa Sta.Maria sakop sa probinsya sa Davao Occidental 5:30 sa hapon kagahapong adlawa.
Idlas man sa nakalabay’ng mga buwan apan karon napukotan ang akusado nga si Jeffrey Limbong, 27 anyos, ulitawo ug nag-estar sa Lungsod sa Hagonoy Davao Del Sur gahapon adlawa.
Natud-an sa mga otoridad ang gitagoan sa akusado maong gisilbi gilayon nila ang orden de aresto nga gipagula ni Judge Cherry Ann Paronda, presiding Judge sa 2nd MTCC sa Hagonoy.
Wala na makapalag pa si Limbong dihang nabasa niini ang kamandoan sa korte nga gisilbi sa kapulisan sa iyang gipundohan niini sa may Barangay Cadaatan sa lungsod sa Sta.Maria, Davao Occidental.
Si Limbong, nag-atubang og kasong Acts of Lasciviousness nga dunay 12 mil ka pesos nga bail bond alang sa iyang temporaryo nga kagawasan.
RadyoMaN Joel Viray
